या भुलाबाई आमुच्या आळी
तुमच्या अंगात निळ्ळी चोळी
निळ्या चोळीवर मोर काढला
निळ्ळ्या मोरावर सांडला गुलाल
भुलोजी दल्लाल घरी नाही, घरी नाही
या भुलाबाई आमुच्या आळी
तुमच्या अंगात लाललाल चोळी
लाललाल चोळीवर बसला मोर
बसल्या मोरावर सांडलं अत्तर
भुलोजी दातार घरी नाही, घरी नाही
या भुलाबाई आमुच्या आळी
तुमच्या अंगात पारवी चोळी
पारव्या चोळीवर चितारला मोर
चितारल्या मोरावर सांडलं पाणी
भुलोजी वाणी घरी नाही, घरी नाही
