भोंडला भुलाबाई ५ – बाजारातून आणला एकच आंबा

बाजारातून आणला एकच आंबा
त्याचं केलं सुंदर लोणचं
ते बाई लोणचं मामंजीना वाढलं
मामंजीनीं मला शाबासकी दिली
त्याचं मला हासू आलं
ते बाई हासू तांब्यात भरलं
तो बाई तांब्या गंगेला वाहिला
गंगेनं मला पाणी दिलं
ते बाई पाणी मोराला दिलं
मोराने मला पिसे दिली
ती बाई पिसे बुरडाला दिली
बुरडानं मला बुट्टी दिली
ती बाई बुट्टी माळ्याला दिली
माळ्यानं मला फुलं दिली
ती बाई फुलं हादग्याला वाहिली