आला चेंडू गेला चेंडू
राया चेंडू झुगारीला
आपण चाले हत्ती घोडे
राम चाले पायी
एवढा डोंगर शोधिला
रामाचा पत्ता कुठं नाही लागला
रामा ग वेचितो कळ्या
सीता ग गुंफिते जाळ्या
आले ग लगीन वेळा
आकाशी घातीला मंडप
जरतारी घातीलं बोहोलं
नवरा नवरी बसली पाटी
पाटी पाटी तिरुबाई राळा
तिरुबाई राळा मुंजक बाळा
मुंजक बाळाची मुंज दोरी
तीच दोरी सावध करी
सावध सावध सर्वत काळ
सर्वत काळाचा उत्तम दोर
दोर बांधा झाडासी
झाड झपका फुल टपका
ते बाई फुल तोडावं
बहिणी माया खोवावं
बहिणी तुझा भांग
मोतीयाचा चांद ग
बहिणी तुझी वेणी ग
मोतीयाची फणी ग
बहिणी तुझे केस ग
मोतीयाचे घोस ग
बहिणी तुझा खोपा ग
चंद्रफुल घेतं झोपा ग
